Die lewe

Ek skop my skoene uit
om dan kaalvoet
in die gras te loop
om die dag te begroet

Ek praat, ek lag
ek maak plesier
om elke nuwe dag
van die lewe te vier

As ’n groot fees
want daar is soveel
om dankbaar te wees

In ons mooie land
van die kleine mier
tot die grote olifant

Advertisements
Standard

Kinderparadys

Kom nou Piet
kom nou Faan
skool is klaar
laat ons gaan

Al ons huiswerk
is vir later
ons vang paddas
uit die water

Daar is blomme
met bonte vlinders
dis ‘n paradys
vir ons kinders

Op die veld
met hoë bome
hier belewe ons
al ons drome

Ons kan ry
in ‘n ysterkar
deur die land
like a moviestar

Standard

Die boek van lewe

Ons lewe is ‘n boek
my liewe kinders
waarin die tyd verby vlieg
soos bonte vlinders

Want die tyd kom
en die tyd gaan vlug
maar gee die herinnering
aan ons terug

Die herinneringe is soos pêrels
uit die diep water
van die see van tyd
wat jy moet koester vir later

Want elke herinnering
van ons is uniek
en word vir ons
vasgelê op ‘n kiek

Vul hiermee liewe kinders
julle boek se bladsye
dan onthou julle vir altyd
die allermooiste tye

Standard